ખુશબો થી ભરેલ જેનું મન

 ખુશમન

ખુશબો થી ભરેલ જેનું મન,

હૃદય ના ભાવો થી

ફૂલો ની નજાકત ને લજવે

તેવું મન ,

 

કરી બારી માં થી ડોકિયું બગીચા માં

કબૂતરો ના કિલ્લોલ માં

રચ્યું રહે

તેવું મન ,

 

તો કદીક ચાહે

ભરવા હરણફાળ આભ માં

વાદળો ની વણઝાર ને આંબવા,

તો કદીક

વરસતા વરસાદ નું

બની ઝરણું

નિનાદે કલકલ

સાગર ને ભેટવા ભાગતું

તેવું મન ,

 

જયારે જોઉં ત્યારે

પનિહારી શિરે

ભરી સ્નેહ ના વારી

છલકતી ગાગર જેવું

મલકાતું તમારું મન,

 

બહેન

તમારા જન્મ દિને

( ૧૭ ફેબ ૨૦૨૧ ),

એક આશા

હસતા રહો ,

રહો હસાવતા ,

 

પ્રાર્થું પ્રભુ ને

તમોને કદી ના સતાવે

કો '  નિરાશા 

============

હેમેન - ભારતી   /   ૧૭ ફેબ ૨૦૨૧